“နောက်ဆုံး အမိန့်”

* အဓမ္မသမားတွေရဲ့ လက်ထဲမှာ

မတရားပြုကျင့်ခံရလို့

ဖွတ်ဖွတ်ကြေနေရတဲ့ တိုင်းပြည်

အော်....... ပြောလို့တောင် မကုန်တော့ပါဘူး။

* လူထုမှာ

အလိမ်အညာတွေအောက်

အလိမ်ခံနေရတာ

အခြိမ်းအခြောက်တွေအောက်

ထိတ်လန့်နေရတာ နှစ်တွေမနဲတော့ဘူး။

* လိမ်လို့ ခြောက်လို့ မရတဲ့အခါ

ထူးဆန်းတဲ့ ပုဒ်မတွေနဲ့ ဖမ်းတယ်

အကြောင်းမဲ့ ရိုက်တယ်

နောက်ပြီးတော့

အရေးယူမှုမရှိတဲ့ သူသတ်မှုတွေရှိတယ်။

* အဲဒီလိုနဲ့ ဖြတ်သန်းနေရတာ

တဖြည်းဖြည်းနဲ့ အသားကျလာသလို

စစ်အစိုးရနဲ့ ပြည်သူ

ရန်သူတွေဖြစ်နေကြရတာ

အကြောင်းမဲ့ မဟုတ်တော့ပါဘူး။

* အခုလဲလာပြန်ပြီ

စစ်တပ်က သခင်ဖြစ်ပြီး

လူထုက ကျွန်ဖြစ်ရမဲ့ စာချုပ်ကို

အတင်းအကြပ် လက်မှတ်ထိုးခိုင်းနေမှတော့.......။

* သေချာပါတယ်

ကိုယ့်ချရင် ပြန်ချဆိုတဲ့ အမိန့်ကိုဘဲ

နာခံချင်တော့တယ်။

ထက်လွင်အောင်

၂၄-၄-၂၀၀၈

မှတ်ချက်။ ။ ဤကဗျာ ပေးပို့သော ကဗျာဆရာ ထက်လွင်အောင် အား ဥတ္တရမှ အထူး ကျေးဇူးတင်ရှိပါကြောင်း မှတ်တမ်း တင်အပ်ပါသည်။

Summary

Rest of your post